យោងតាមរបាយការណ៍ដែលចេញផ្សាយដោយអង្គការអន្តរជាតិសម្រាប់ការ
អភិវឌ្ឍកសិកម្ម (IFAD)និងធនាគារពិភពលោក កាលពីថ្ងៃចន្ទ
ដោយដាក់ឈ្មោះថា Sending Money Home to Asia បានឲ្យដឹងថា ពលករកម្ពុជាដែល
បម្រើការងារនៅក្រៅប្រទេសបានផ្ញើលុយ (Remittance)
មកគ្រួសារនៅកម្ពុជាប្រមាណ ២៥៦លានដុល្លារ ស្មើនឹង ១,៨%
នៃផលិតផលក្នុងស្រុកសរុបកាលពីឆ្នាំ២០១២។
ជាក់ស្ដែង សម្រាប់ប្រទេសកម្ពុជា ចំពោះ ថ្លៃសេវាផ្ញើពីក្រៅប្រទេសមកក្នុងស្រុកគិតជាមធ្យមប្រមាណ ៥,៥៩ ភាគរយនៃចំនួនលុយសរុបដែលពលករផ្ញើមក។ ចំនួននេះគឺទាបជាងបណ្ដាប្រទេសមួយចំនួនទៀតដូចជា ស្រីលង្កា ឥណ្ឌា នេប៉ាល់ ប៉ាគីស្ថាន និងបង់ក្លាដេសជាដើម។
ទោះជា យ៉ាងនេះក្ដី របាយការណ៍ដដែលនោះក៏បានឲ្យដឹងដែរថា ពលរដ្ឋកម្ពុជាបានប្រើប្រាស់សេវាកម្មរបស់គ្រឹះស្ថានមីក្រូ ហិរញ្ញវត្ថុច្រើនជាងគេនៅក្នុងតំបន់ តែចំពោះតម្លៃផ្ញើលុយចូលក្នុងប្រទេសវិញហាក់នៅខ្ពស់នៅ ឡើយ ពោលគឺក្នុងអត្រា ១០%។
មន្ត្រីក្រសួងការងារ និងបណ្ដុះបណ្ដាលវិជ្ជាជីវៈ លោក ញែម
គឹមហួយ ធ្លាប់ថ្លែងប្រាប់បណ្ដាញសារព័ត៌មានក្នុងស្រុកមួយថា
បើគិតជាមធ្យមពលករទៅធ្វើការនៅប្រទេសថៃទទួលបានប្រាក់
បៀវត្សក្នុង១ខែប្រហែល ២០០ដុល្លារអាមេរិក និងនៅប្រទេសកូរ៉េ
និងជប៉ុន បានប្រហែល ១០០០ដុល្លារអាមេរិក។
ក្រសួងកាងារ និងបណ្ដុះបណ្ដាលវិជ្ជាជីវៈបានឲ្យដឹងទៀតថា
ពលករកម្ពុជាស្របច្បាប់ ដែលចេញទៅបម្រើការងារក្នុងប្រទេសថៃ
កូរ៉េខាងត្បូង ម៉ាឡេស៊ី និងជប៉ុន ក្នុងឆ្នាំ ២០១២ កន្លងទៅមានចំនួន
៣៤ ៨០៤ នាក់ កើនឡើងប្រមាណ ៣៣ ភាគរយ បើធៀបទៅនឹងឆ្នាំ២០១១
មានចំនួន ២៦២១៩ នាក់៕
ប្រភព http://news.sabay.com.kh
0 comments:
Post a Comment